नेपालमे अनलाइन समाचार पोर्टलक बाढि़ जकाँ आएल अछि । हरेक शहरमे दर्जनसँ बेसी समाचार पोर्टलसभ अछि । व्यक्ति–व्यक्ति सेहो एहि प्रकारक पोर्टलसभ खोलए लागल अछि मुदा एकरबादो देशक मूल समस्यासभ जाहिरुपसँ उठबाक चाही नहि उठिरहल अछि । फेर काठमाण्डू बाहरक अवस्था आओर खराब अछि । एहनमे किछु समस्या उठाबी, ओकर समाधान खोजी से सोचक संग हमसभ मोडेल खबर पोर्टल लऽ कऽ आएल छी ।
आमजनकेँ समस्या निर्भिकताक संग उठाएब से बचनवद्धता व्यक्त करैत छी । एहिमे शैक्षिक, राजनीतिक, सामाजिक, आर्थिक, सांस्कृतिक, खेलकुद सहितक सभ क्षेत्रक मुद्दासभ उठाएब । सापेक्ष रुपमे स्पष्ट विचार आ तथ्यमे आधारित सत्य समाचार एकर मूल आधार हएत ।
एहि संगहि हमरसभक पोडकास्ट चैनल सेहो रहत । मोडेल खबर नामसँ यूट्यूबमे देखल जा सकैत अछि । मैथिली आ नेपाली दू भाषामे ई पोर्टल पढ़ल जा सकैत अछि ।
