जनकपुरधाम ।
सीताराम विवाह सम्पन्न भएपछि पठाइने चतुर्थीको भार जानकी मन्दिर पठाइएको छ । मिथिलाञ्चलमा बिहे भएपछि बेहुलाको घरबाट बेहुलीलाई चतुर्थीको भार पठाउने परम्परा रहेको छ । सोही परम्परा अनुसार राम मन्दिरबाट जानकी मन्दिरमा चतुर्थीको भार पठाइएको हो । भारमा विभिन्न खाद्यान्नका साथै मिठाई लगायतका सामाग्री पठाइएको हो । भार लिएर राम मन्दिरका महन्थ राम गिरी आफै जानकी मन्दिर पुगेका थिए । जानकी मन्दिरमा उनलाई जानकी मन्दिरका महन्थ रामतपेश्वर दास वैष्णवले अतिथि सत्कार गरेका थिए ।
