जनकपुरधाम
कलाणेश्वर स्थानक सिद्ध साधु सुधाकर बाबाक बितल राति निधन भेल अछि । ओ ७० वर्षकेँ छलथि । बृहस्पति राति नेपाली समय अनुसार ११ बाजिकऽ १५ मिनेटमे
हुनक निधन भेल जानकारी बिहारक बासोपट्टीसँ पत्रकार रोशन कुमार देलन्हि अछि ।
निधनक बाद हुनक पार्थिव शरीरकेँ आमलोकक दर्शनक लेल कलाणेश्वर स्थानमे राखल गेल अछि ।
सुधाकर बाबा जनकपुरधाम उपमहानगरपालिका २५ क बभनगामाक छलथि । ओ चारि दशक पूर्व परमहंश बाबाक शिष्य भऽ गेल रहथि । ओ कलणे स्थानपर रहैत छलथि । शरीरभरि ओ औंठी पहिरने रहैत छलथि । औंठी पहिरलाक कारणेँ हुनका स्थानीयसभ औंठी बाबा कहि कऽ श्रद्धवश सेहो कहल करैत छलन्हि ।
सुधाकर बाबाकेँ अन्तिम संस्कार कलणेमे हएत । एक हप्ता पूर्व हृदयघात भेलाक कारणेँ हुनक उपचार बासोपट्टीमे भऽ रहल छल । हुनक उपचार डा. रमणकुमार कऽ रहल छलथि । अन्तिम संस्कारमे हुनक गामक अतिरिक्त जनकपुरधाम क्षेत्रसँ सेहो बहुतो लोककेँ पहुँचएको अनुमान कएल गेल अछि ।
