एजेन्सी ।
इरानका सर्वोच्च नेता आयतोल्लाह अली खामेनीले अक्टोबर २६ अर्थात् शनिबार इजरायलले इरानमाथि गरेको हमलामा प्रतिक्रिया दिएका छन् । खामेनीले इजरायलले गलत कदम चालेको बताएका छन् ।
यसबारे माइक्रो ब्लगिङ वेबसाइट एक्समा उनले एक पोस्ट गरेका छन् । ‘जियोनिस्ट शासनले दुई रात अघि गलत कदम उठायो । हामीले उनीहरूलाई इरानी जनताको शक्ति, दृढ सङ्कल्प र पहलकबारे बताउनै पर्छ,’ पोस्टमा खामेनीले भनेका छन् ।
इजरायलले इरानी सैन्य अखडाहरूमा हवाई आक्रमण गरेको थियो । यी आक्रमणमा चार इरानी सैनिकको मृत्यु भएको छ । यस महिनाको सुरुमा इरानले इजरायलमा करिब २०० मिसाइल प्रहार गरेको थियो । तर, इरानको आक्रमणमा इजरायललाई कुनै ठुलो क्षति पुगेन ।
