जनकपुरधाम
कलाणेश्वर स्थानक सिद्ध साधु सुधाकर बाबा सिकिस्त बिमार भेल छथि । हृदयघात भेलाक बाद हुनक इलाज सीमावर्ती क्षेत्र बासोपट्टीक माँ गिरिजा इमरजेन्सी हॉस्पिटल एण्ड क्रिटिकल केयरमे भऽ रहल अछि ।
जनकपुरधाम २५ बभनगामा पैत्रिक गाम भेल सुधाकर बाबा चारि दशकसँ बेसी समयसँ कलाणेश्वर स्थानमे रहि रहल छथि । कलना बाबाक ई प्रमुख शिष्यक रुपमे छथि । हिनक चेलासभ नेपाल भारतक विभिन्न स्थानमे रहल अछि ।हुनक अवस्था बुझए बभनगामासँ सेहो परिवारिक सदस्यसभ बासोपट्टी पहुँचल छलथि । मैथिल ब्राह्मण महासभाक केन्द्रिय अध्यक्ष भगवान झा हुनक पितियौत भाय छथि । चिकित्सक डा. रमण कुमारसंग भेट कऽ उपचारमे तीब्रता देबए ओ आग्रह कएलन्हि अछि ।
सुधकार बाबा पूरे शरीर औठी लगौने रहैत छथि । तँए हुनका औठी बाबा सेहो कहल जाइत छन्हि ।
