एजेन्सी ।
न्युजीलैण्ड बिरुद्धको पहिलो टेस्ट मैचमा भारत ८ विकेटले पराजित भएको छ । भारतले दोस्रो इनिंगमा दिएको १ सय ७ रनको झिनो लक्ष्य न्युजीलैण्डले २ विकेट क्षतिमा पूरा गर्दै भारतलाई पराजित गरेको हो ।
यो जीतसंगै न्युजीलैण्डले ३ टेस्ट मैचको श्रृंखलामा १–०को अग्रता लिएको छ । भारतलाई उसकै घरमा न्युजीलैण्डले ३६ वर्षपछि कुनै टेस्ट मैचमा पराजित गरेको हो । न्युजीलैण्डलाई जित दिलाउन दोस्रो इनिंगमा विल योङ्गले ४८ र रचिन रविन्द्रले ३९ रनको योगदान गरे ।
यस अघि पहिलो इनिंगमा ३ सय ५६ रनले पछाडी परेको भारतीय टोलीले दोस्रो इनिंगमा सरफराज खानको शतकीय पारीको सहयोगमा ४ सय ६२ रन बनाएको थियो । सरफराजले १ सय ५० रनको योगदान गरे भने ऋषभ पन्त शतकबाट चुक्दै ९९ रनमा आउट भए । विराट कोहलीले ७० र कप्तान रोहित शर्माले ५२ रनको योगदान गरे ।
दोस्रो इनिंगमा म्याट हैनरी र विलियम पिटरले ३/३ विकेट लिन सफल भए ।
यस अघि पहिलो इनिंगमा ४६ रनमै समेटिएको भारत बिरुद्ध न्युजीलैण्ड ३ सय ५६ रनको अग्रता लिदै ४ सय २ रनको योगफल तयार पारेको थियो ।
