जनकपुरधाम ।
जनकपुरधामको प्रसिद्ध शक्तिपीठ राजदेवी मन्दिरमा आज बलिप्रदान हुनेछ । एकै राति सबैभन्दा बढी बलिप्रदान हुने राजदेवी मन्दिरमा आज बलि प्रदान हुने भएको हो । आज सप्तमी र अष्टमी दूबै तिथि रहेकाले बेलुका बलिप्रदानको तयारी गरिएको श्रीराम युवा कमिटीका बरिष्ठ उपाध्यक्ष अनिकेत ठाकुरले जानकारी दिए ।
ठाकुरका अनुसार राजदेवी मन्दिरमा आज ७ बजेदेखि बोका बली शुरु हुनेछ । मिथिला पञ्चाङ्गगका अनुसार आज सप्तमी तिथि रहेपनि आजै अष्टमी तिथि समेत परेको छ । तिथि हेरफेरका कारण बोकाबलीका लागि आजकै तिथि राख्ने निर्णय गरिएको ठाकुरले बताए ।
यता बलि प्रदानलाई व्यवस्थित रुपमा सम्पन्न गराउनकालागि ठाउँ ठाउँमा बाँसले घेरवार समेत गरिएको छ ।
