काठमाडौँ ।
सरकारले नेपाल राष्ट्र बैंकका गभर्नर महाप्रसाद अधिकारीमाथि छानबिन गर्न गठिन समिति रद्द गरेको छ ।
शुक्रबार बसेको मन्त्रिपरिषद्को बैठकले यो निर्णय गरेको हो । नेपाली कांग्रेसका सभापति शेरबहादुर देउवा नेतृत्वको तत्कालीन सरकारले २०७८ चैत २४ गते छानबिन समिति गठन गरेको थियो ।
उक्त समितिविरुद्ध अधिकारी सर्वोच्च अदालत गएका थिए । सर्वोच्चले उनका पक्षमा अन्तरिम आदेश जारी गरी कारबाही प्रक्रिया रोकिदिएको थियो । तत्कालीन अर्थमन्त्री जनार्दन शर्मासँग सम्बन्ध बिग्रिएपछि उनले अधिकारीमाथि कारबाही प्रक्रिया अघि बढाएका थिए ।
