जनकपुरधाम ।
दशैंको दोस्रो दिन माता ब्रह्मचारिणीको पूजा गरिँदै छ । ब्रह्मचारिणी अर्थात् तपको आचरण गर्ने यी देवीको उपासनाले मनुष्यमा तप, त्याग, वैराग्य, सदाचार, संयमको वृद्धि हुन्छ भन्ने धार्मिक मान्यता छ । शक्तिपीठहरुमा बिहानैदेखि श्रद्धालु भक्तजनहरुको भीड लागेको छ ।
असोज शुक्ल प्रतिपदादेखि सुरु भएको दशैं पूर्णिमासम्म परम्पराअनुसार दुर्गा भवानीको पूजा आराधना गरी हर्षोल्लासका साथ मनाउने गरिन्छ ।
दशैंको पहिलो दिन बिहिबार घटस्थापना गरी शैलपुत्री भगवतीको पूजा अराधना गरिएको थियो । घटस्थापना गरेसँगै नवदूर्गाका ९ स्वरूपको पूजा गर्ने परम्परा रहेको छ । नवरात्रीको ९ दिनमा पहिलो दिन शैलपुत्री, दोस्रो दिन ब्रह्मचारिणी, तेस्रो दिन चन्द्रघण्टा, चौंथो दिन कुष्माण्डा, पाँचौ दिन स्कन्दमाता, छौठौं दिन कात्यायनी, सातौं दिन कालरात्री, आठौं दिन महागौरी र नवौं दिन सिद्धिदात्रीको पूजा गर्ने गरिन्छ ।
