एजेन्सी ।
दक्षिण–पूर्वी अमेरिकामा हेलेन आँधीका कारण कम्तीमा ४३ जनाको मृत्यु भएको छ । बाढीको पानीमा फसेका मानिसहरूलाई उद्धार गर्न डुङ्गा, हेलिकप्टर र ठूला सवारीसाधन प्रयोग भइरहेको अधिकारीहरूले बताएका छन् ।
तीमध्ये टेनेसी अस्पतालको छतमा फसेका करिब ५० कर्मचारी र बिरामीलाई बाहिर निकाल्ने प्रयास भइरहेको बीबीसीले जनाएको छ ।
बिहीबार राति तटमा ठोक्किएपछि फ्लोरिडामा आएको यो आँधी अहिलेसम्मकै शक्तिशाली आँधी भएको बताइएको छ । अहिले यो जर्जिया र क्यारोलिनातर्फ सरेको छ । आँधीका कारण अर्बौं डलरको नोक्सानी भएको बीमा कम्पनी तथा वित्तीय संस्थाले बताएका छन् ।
