जनकपुरधाम ।
संसदमा लैगिंक समानता, सामाजिक समावेशीकरण र मानअधिकारको प्रभाव विश्लेषण औजार सम्बन्धि अन्तरक्रिया कार्यक्रम आज एक समारोहका बीच सम्पन्न भएको छ ।
युएनडिपी संसद सहयोग परियोजनाको सहयोगमा सिआइसी धनुषाद्वारा आयोजित सो कार्यक्रममा वक्ताहरुले संसदमा ऐन कानुन बनाउँदादेखि समितिहरु बनाउँदा पनि महिला स्थान दिनमा कन्जुस्याइ गरेको आरोप लगाएका छन् । प्रदेश सांसद अञ्जना पण्डितले हरेक स्थानमा महिलालाई ५० प्रतिशत स्थान दिनुपर्छ बताइन ।
प्रशिक्षकको रुपमा काठमाडौवाट आउनु भएका लैगिंक विज्ञ डा. योगेन्द्र रिजालले महिलाले ऐन कानुन बनाउँदा आफै सहभागिता बनाउन तर्फ अग्रसरता देखाउनु पर्ने उल्लेख गर्नुभयो । उहाँले महिलालाई पुरुष सरह समान अवसर नदिएसम्म देश उन्नति तर्फ बढन नसक्ने समेत उल्लेख गर्नुभयो ।
युएनडिपी संसद परियोजनाका बिट्टु श्रीवास्तवले संसदमा महिलाहरु कसरी प्रस्तुत हुन्छ त्यसका लागि आफूहरु विभिन्न कार्यक्रमहरु गरिरहेको बताउनुभयो । हाम्रो कार्यक्रममा मधेश प्रदेशसभाले महत्वपूर्ण सहयोग गरिरहेको समेत उहाँले जानकारी दिनुभयो ।
सिआइसी धनुषाका अध्यक्ष संजय साहले महिला सांसदहरु जुनरुपमा आफना समस्या राखीरहेका छन् त्यो यो कार्यक्रमको महत्वपूर्ण पार्ट रहेको बताउनुभयो । प्रदेशसभाले कानुन बनाउन महिलालाई नजरअन्दाज गर्ने परिपाटी समप्त गर्नुपर्छ उहाँको कथन थियो ।
्
