जनकपुरधाम ।
धनुषा जिल्लामा सवारी दुर्घटनाको मुख्य कारण तीव्रगति तथा मोेटरसाइकल रहेको पाइएको छ । ट्राफिक कार्यालय जनकपुरधामको तथ्यांक अनुसार सवारी दुर्घटनाबाट मृत्यु हुनेको संख्या घटेपनि सवारी दुर्घटना भने न्युन हुन नसकेको देखाउँछ । जसको मूल कारण तीव्रगति तथा मोटरसाइल नै रहेको उल्लेख छ । ट्राफिक कार्यालयको तथ्यांक अनुसार कुल सवारी दुर्घटनाको ६० प्रतिशत दुर्घटनाको कारण मोटरसाइकल रहेको छ । त्यस्तै सवारी दुर्घटनामा परेर मृत्यु हुनेमध्ये ६० प्रतिशतको मृत्युको कारण तीव्रगति रहेको पाइएको छ ।
गत आर्थिक वर्षमा धनुषा जिल्लाभरीमा १ हजार ५ सय ५५ सवारी दुुर्घटना भएको ट्राफिक कार्यालय जनकपुरधामका प्रमुख हरिबहादुर ओलीले जानकारी दिए । उनका अनुसार कुल सवारी दुर्घटनामध्ये सबैभन्दा बढी १ हजार ८४ मोेटरसाइकल दुर्घटना रहेको छ । त्यस्तै ट्रैक्टर १ सय ९, ट्रक १२, ट्रिपर ९, डोजर दुर्घटना २ पटक गत अािर्थक वर्षमा भएको छ ।
