जनकपुरधाम ।
२०८० सालको जगदम्बाश्री पुरस्कार भाषाविद् योगेन्द्र यादवलाई प्रदान गरिएको छ । मदन पुरस्कार गुठीको शुक्रबार बसेको साधारणसभा बैठकबाट भाषाविद् प्रा.डा. योगेन्द्रप्रसाद यादवलाई जगदम्बाश्री पुरस्कार प्रदान गर्ने निर्णय गरिएको हो । पुरस्कारको राशि ४ लाख रुपैयाँ रहेको छ।
विभिन्न माध्यमबाट नेपाली भाषा, वाङ्मय र संस्कृतिको श्रीवृद्धिमा योगदान गर्ने व्यक्ति तथा संस्थालाई जगदम्बाश्री पुरस्कार दिइँदै आएको छ । जगदम्बाश्री पुरस्कार २०४५ सालदेखि दिन थालिएको हो । पहिलोपटक उक्त पुरस्कार नारायणगोपाललाई प्रदान गरिएको थियो । रानी जगदम्बाकुमारी देवीको स्मृति चिरस्थायी राख्ने उद्देश्यले गुठीले जगदम्बीश्री पुरस्कार स्थापना गरेको थियो ।
