जनकपुरधाम ।
डिविजन वन कार्यालय सिरहाले ३ सय ५० केजी खोटेसल्लाको जरा बरामद गरेको छ । मधेस प्रदेश सरकारले डिएफओहरुको सरुवा गरेको एक दिन नबित्दै डिविजन वन कार्यालय सिरहाको गस्ती टोलीले खोटेसल्लाको जरा बरामद गरेको हो ।
प्रदेश सरकारले त्यहाँका डिएफओ सुजीत कुमार झाको सरुवा रौतहट गरिसकेको छ । यद्यपि त्यहाँ कसलाई डिएफओ बनाएर पठाउने विषयमा निक्र्यौल लाग्न सकेको छैन । सिरहाका डिएफओ झाको सरुवा भईसकेपनि उनले रमाना लिएका छैन ।
झाले सरुवाको हल्लाका बिच सिरहामै नियमित गस्तीलाई सक्रिय बनाएका छन् । झाको सरुवा हल्लाका बिच सिरहास्थित स डिभिजन वन कार्यालय, धनगढीको संयुक्त गस्ती टोलिले घनगढीमाई नगरपालिका वडा नम्बर १४मा चुरे वन क्षेत्रबाट ल्याउदै गरेको अवस्थामा ७ वटा बोरामा राखिएको खोटेसल्लाको जरा बरामद गरेको हो ।
