एजेन्सी ।
जापानमा आइतबार भएको चुनावमा वर्तमान सरकारले बहुमत गुमाएको छ । निर्वाचनमा सत्तारुढ गठबन्धनले संसद्को माथिल्लो सदनमा बहुमत पाउन नसकेको हो ।
यसले प्रधानमन्त्री सिगेरु इसिबाको राजनीतिमा चुनौती थपेको छ । लिबरल डेमोक्रेटिक पार्टी (एलडीपी) को नेतृत्वमा रहेको गठबन्धनले २४८ सदस्यीय माथिल्लो सदनमा केवल ४७ सिट मात्र पाएको हो । जुन बहुमतका लागि ५० सिटभन्दा कम हो ।
जापानको संसदीय प्रणालीमा तल्लो सदनलाई बढी शक्तिशाली मानिन्छ । यसमा पनि सत्तारुढ गठबन्धनले गत वर्ष अक्टोबरमै बहुमत गुमाइसकेको छ । यद्यपि प्रधानमन्त्री इसिबाले आफू पदमा रहने बताएका छन् । उनले अमेरिकासँगको प्रस्तावित व्यापार सम्झौतालाई यसको कारणको रूपमा उल्लेख गरेका छन् ।
इसिबाले भने, ‘जापानले अगस्ट १ सम्ममा अमेरिकासँगको व्यापार सम्झौतालाई अन्तिम रूप दिनुपर्छ। यो मेरो प्राथमिक जिम्मेवारी हो ।’
