जनकपुरधाम ।
मधेस प्रदेशसभाको बैठक विपक्षी दलहरुको अवरोधका कारण स्थगित भएको छ । विपक्षी दलहरू जसपा नेपाल, नेकपा माओवादी केन्द्र, नेकपा एकीकृत समाजवादी लगायतको विपक्षी दलले बजेट पुनर्लेखनको माग गर्दै अवरुद्ध गरेका थिए ।
विपक्षी दलहरुको अवरोधपछि सभामुख रामचन्द्र मण्डलले बैठक आधा घण्टाका लागि स्थगित गरेका थिए । तर पुनः बस्ने वातावरण नमिलेपछि बैठक बस्नै सकिएन । अब बैठक सोमबार दिउँसो १ बजे बस्ने गरी स्थगित गरेको सभामुख मण्डलले बताए ।
मधेश सरकारले असार १मा ल्याएको बजेटबारे सत्तापक्ष र प्रतिपक्षमा व्याप्त असन्तुष्टि छ । बिचौलिया हावी, असमान बजेट, ५ लाखसम्मको बजेट विनियोजन भएको पुनर्लेखन गर्नुपर्ने विपक्षी दलहरूको माग छ । विपक्षी दलले बजेट पुनर्लेखन नभएसम्म सदन चल्न नदिने चेतावनी दिएको छ ।
बजेटमाथि छलफलको लागि गत १२ असार दिउँसो १ बजे बोलाइएको बैठक अचानक स्थगित गरिएको थियो । त्यसको ११ दिनपछि पुनः बैठक बसेको थियो ।
