जनकपुरधाम ।
धनुषाधाम नगरपालिका वडा ९ मुर्गिया गाउँमा सञ्चालनमा रहेको फर्निचर कारखानामा वनटोलीले छापामारी गरी अवैद्य काठ बरामद गरेको छ । सो फर्निचर रामप्रसाद यादवले सञ्चालन गरेका छन् ।
विशेष सुराकीको आधारमा फर्निचर कारखानामा जाँदा २२.९६ क्यूफिट साल जातको काठ बरामद गरिएको जानकारी डिभिजन वन कार्यालय धनुषाका डिएफओ विनोद सिंहले दिएका छन् ।
लालगढ सव डिभिजन प्रमुख राम आशिष यादव र जिल्ला कमाण्डर वैजनाथ सिंहको नेतृत्वमा छापामारी गर्न गएको सो टोलीमा नेपाल प्रहरी र वनका कर्मचारीहरु पनि सहभागि थिए ।
