जनकपुरधाम ।
जनकपुरधाम उपमहानगरपालिकाले तोकिएको पाठ्यपुस्तक लागु नगर्ने विद्यालयलाई कारबाही गर्ने चेतावनी दिएको छ ।
उपमहानगरको शिक्षा शाखा प्रमुख धीरेन्द्र लाल कर्णले एक सूचना जारी गर्दै तोकिएको पाठ्यपुस्तक लागु नगर्ने विद्यालयलाई आवश्यक कानूनी कारबाही गर्ने चेतावनी दिएका हुन् । यसका साथै शैक्षिक सत्र २०८२ देखि नै यो निर्णय कार्यान्वयनमा ल्याउन समेत आग्रह गरिएको हो । उपमहानगर अन्तर्गतका विद्यालयहरुको छाता संगठनहरुले लागु गर्न सिफारिश गरेको पाठ्यपुस्तक शिक्षा समितिले पाठ्यपुस्तकमा अनिवार्य रुपमा एकरुपता ल्याउन आग्रह गरेको हो ।
पालिकाले गत फागुन २९ गते र गत चैत ११ गते संस्थागत विद्यालयहरुमा अध्ययन अध्यापन गराइने पाठ्यपुस्तकहरुको विवरण माग गरिएको थियो । यद्यपि सोको विवरण हालसम्म आउन नसकेको उपमहानगरले जनाएको छ ।
