जनकपुरधाम ।
मधेशको राजधानी जनकपुरधामलाई सांगीतिक पर्यटनको प्रवद्र्धनमा योगदान पुर्याउने उद्देश्यले भूमि लोक महोत्सवको आयोजना हुने भएको छ ।
भूमि फाउण्डेसनका अध्यक्ष रञ्जन झाले कार्तिक १० गते भूमि लोक महोत्सवको आयोजना गरिने जानकारी दिएका छन् । जनकपुरधाममा महोत्सवको यो दोस्रो संकरण हुनेछ । सांगीतिक क्षेत्रमा लामो समयदेखि कार्यरत झाको पहलकदमीमा हुन लागेको लोक महोत्सवमा संगीत साधकहरुलाई जनकपुरधाममा भेलासमेत गराइने छ । महोत्सवमा अवधिभर मधेश र मिथिलाको झल्को दिने विभिन्न लोक झाँकी प्रदर्शन गरिने छ भने विभिन्न स्टलहरुसमेत राखिने आयोजकले जनाएको छ । महोत्सवमा विभिन्न सांगीतिक प्रस्तुति हुने अध्यक्ष झाले बताए ।
