सुजीतकुमार झा
जनकपुरधाम ।
युट्यूबमे देखल जाएवला मिथिलाञ्चलक सभसँ लोकप्रिय सिरियल कलकतियाबालीसँ ढिमकी आ रसिली आइकाल्हि गायब भऽ गेल छथि । हजारो दर्शक हिनकासभकेँ खोजी कऽ रहल अछि ।
इएह खोजीक क्रममे हिनकासभ लग आइ हमहुँ पहुँचल छलहुँ । ढिमकीक मूल नाम अछि आँचल राय आ रसिलीक नाम सपना राय । ई दुनू सहोदर बहिन छथि । ढिमकी आ रसिली कहैत छथि – हमसभ कलकतियाबालीमे किए नहि देखा रहल छी एकर कारण अरुण विजयसँ पुछु । उएह कहता ।
ओ दुनू बहिन आरोप लगौलन्हि – पैसा मंगलापर अरुण हमरासभमे काज करएपर रोक लगा देलक । स्वभिमान बेचकऽ ओहिठाम नहि रहब ।
ढिमकी आ रसिलीक लाखोक फैन अछि । जहिना कलकतियाबालीसँ ई दुनू गायब भेलीह रमौलबाली अर्थात रीना यादव हिनका अपना चैनलमे राखि लेलक अछि । रमौलबालीक मुख्यपात्रक रुपमे ढिमकी आ रसिलीक भूमिका देल गेल अछि । रमौलबाली पटा कऽ तँ नहि लऽ गेल अछि ? ओहिठामसँ छोडएमे अरुण विजयक मात्र हाथ अछि कि कलकतियाबालीक सेहो ? ओहिठाम अरुण, कलकतियाबाली आ इसिका ककर चलैत अछि ? ई सहित कला क्षेत्रमे कोना लगलथि, रमौलबालीमे कतेक दिन रहतीह सहितक विषयमे मोडेल खबरक पोडकाष्ट चैनल https://www.youtube.com/@ModelKhabarमे सुनि एवं देखि सकैत छी । आइ साँझमे ढिमकी आ रसिलीक अन्तरवार्ता प्रशारण हएत ।
