जनकपुरधाम ।
जनकपुरधाममा शनिबारबाट शुरु भएको अन्तर विद्यालय क्रिकेट प्रतियोगिता अन्तर्गतको उदघाटन खेलमा जनकपुर पव्लिक स्कुलले शिशु प्रज्ञा सदनलाई ९ रनले पराजित गरेको छ । प्रतियोगिताको पहिलो खेलमा शिशु प्रज्ञा सदनलाई ९ रनले पराजित गरेको जनकपुर पब्लिकले विजयी शुरुवात गरेको हो ।
टस जितेर पहिले ब्याटिङ्ग गर्न आएका जनकपुर पब्लिक स्कुलले १ सय १० रनको स्कोर खडा गरेको थियो । जनकपुर पव्लिककालागि ओम यादव सर्वाधिक ३८ र रिजवान राइनले ९ रनको योगदान दिएका थिए । शिशु प्रज्ञा सदनकालागि शिवम ठाकुर तीन र दिव्यान्सु मिश्रले २ विकेट लिन सफल भएका थिए ।
एक सय ११ रनको लक्ष्य सहित जवाफी ब्याटिङ्ग गर्न उतरिएको शिशु प्रज्ञा सदनको टिम १ सय १ रनमा सीमित भएको थियो । शिशु प्रज्ञा सदनकालागि दिव्यान्सु मिश्रले ३५ र आकाश शर्माले १० रनको योगदान गरेका थिए ।
जनकपुर पव्लिककालागि आदित्य यादवले चार र करण यादवले २ विकेट लिन सफल भएका थिए ।
खेलको म्यान अफ दि म्याच आदित्य यादव भएका थिए ।
