जनकपुरधाम ।
मिथिला मध्यमा परिक्रमाका डोलाका साथै श्रद्धालु भक्तजनहरुलाई स्वागत गर्नकालागि महोत्तरीको मटिहानी नगरपालिकाले सार्वजनिक विदा दिएको छ । परिक्रमाको डोला आइतबार मटिहानी पुग्दैछ ।
मिथिला मध्यमा परिक्रमा यस भेगको सांस्कृतिक तथा धार्मिक उत्सव रहेकाले आफ्नो ठाउँमा आइपुग्ने डोला तथा श्रद्धालुहरुलाई भव्यतापूर्वक स्वागत हुन सकोस् भन्ने ध्येयले सार्वजनिक विदा दिइएको मटिहानीका नगरप्रमुख हरिप्रसाद मण्डलले बताए ।
मिथिला मध्यमा परिक्रमाको डोला गिरिजास्थानबाट आइतबार बिहान मटिहानीकालागि प्रस्थान गर्नेछ ।
