जनकपुरधाम ।
क्यान्सर रोगबाट विरामी भइ उपचारमा रहनु भएका मैथिलीका चर्चित गीतकार अशोक दत्तलाई चलचित्र तथा लोकसञ्चार प्रवर्द्धन बोर्ड मधेशको कार्यबाहक अध्यक्षमा तोकिएको छ । गृह सञ्चार तथा कानुन मन्त्रालयले प्रदेश सञ्चार सम्बन्धि ऐन २०७७ को दफा ९ बमोजिम आजैका दिन देखि दत्तलाई नियुक्ति गरिएको जानकारी मन्त्रालयले दिएको छ ।
बोर्डका अध्यक्षले राजिनामा दिएपछि सो पद खाली रहेको थियो । दत्त बोर्डको सदस्य रहेकाले नयाँ अध्यक्षको नियुक्ति नभएसम्मका लागि तोकिएको मन्त्रालयको पत्रमा उल्लेख रहेको छ ।
दत्त एक वर्षदेखि क्यान्सर रोगबाट बिरामी रहेका छन् ।
