जनकपुरधाम ।
धनुषाको विदेह नगरपालिकामा एकजना शिक्षिकालाई हाजिर गराएपछि विवाद उत्पन्न भएको छ । सो घटनालाई लिएर प्रशासकीय अधिकृत ई.दिपेन्द्रकुमार साहलाई कुटपीट समेत गरिएको छ ।
विदेहका मेयर बेचन दासका छोरा रामभजन दासले कुटपीट गरेको आरोप प्रशासकीय अधिकृत साहले लगाएका छन् ।
घटनापछि प्रशासकीय अधिकृत साहले शान्तिसुरक्षा माग्दै जिल्ला प्रशासन कार्यालय धनुषामा निवेदन दिएका छन् । मेयर दासले समेत प्रहरीको उपस्थितिमा आफूलाई गोली हान्ने धम्की दिएको भन्दै प्रशासकीय अधिकृतले कुटपिट गर्ने तथा धम्की दिने मेयर र उनका छोरालाई पक्राउ गरी कारबाही गर्न माग गरेका छन् ।
प्रमुख प्रशासकीय अधिकृतका अनुसार, शिक्षा सेवा आयोगबाट सिफारिस भएकी नि.मा.वि.सामाजिक शिक्षिका पवन कुमारीलाई हाजिर गराउँदा मेयरका छोरा रामभजन दास रिसाएका थिए ।
सोमबार सोही विषयलाई लिएर रामभजनले गालीगलौज, धाकधम्की तथा कुटपिट गरेको प्रमुख प्रशासकीय अधिकृतको बताए । सो घटनामा अहिलेसम्म कसैलाई पक्राउ गरिएको छैन् ।
