एजेन्सी ।
भारतका प्रधानमन्त्री नरेन्द्र मोदीले प्रयागराजस्थित महाकुम्भमा पुगेर संगममा स्नान गरेका छन् । डुबकी लगाउँदा उनको हात र घाँटीमा रुद्राक्षको माला थियो ।
त्रिवेणी संगममा डुबकी लगाएपछि मोदीले गंगामा रुद्राक्ष माला लगाएर जप गरेको भारतीय सञ्चार माध्यमहरूले जनाएका छन् । मोदीसँगै उत्तर प्रदेशका मुख्यमन्त्री योगी आदित्यनाथ पनि साथमा थिए ।
अमृत स्नानपछि गत साता भएको भागदौडपछि प्रधानमन्त्रीको भ्रमण रद्द हुन सक्ने अनुमान गरिएको थियो । तर उनको महाकुम्भ भ्रमण निर्धारित कार्यक्रम अनुसार नै भएको समाचारमा उल्लेख छ ।
एक दिनअघि मात्र भुटानका राजा जिग्मे खेसर नामग्याल वाङचुकले संगममा स्नान गरेका थिए ।
