एजेन्सी ।
न्युजिल्यान्डका मार्टिन गप्टिलले अन्तर्राष्ट्रिय क्रिकेटबाट सन्यास लिएका छन् । सन् २०२२ को अक्टोबरमा अन्तिम पटक न्युजिल्यान्डको टोलीबाट खेलेका उनले टी–२० घरेलु तथा फ्रेन्चाइजलाई निरन्तरता दिने बताएका छन् ।
३८ वर्षीय गप्टिल अहिले न्युजिल्यान्डको टी–२० प्रतियोगिता खेल्नका लागि अकल्यान्डमा छन् । पिएसलको ड्राफ्टमा समेत रहेका उनलाई इस्लामवाद युनाइटेडले रिटेन गर्ने अनुमान गरिएको छ ।
न्युजिल्यान्डका लागि १९८ एक दिवसीय खेलेका उनले सो क्रममा ४३ सय ४६ रन प्रहार गरेका छन् । उनले भन्दा बढी रोस टेलरले आठ हजार ६०७ तथा स्टेफन फ्लेमिङले आठ हजार ७ रन प्रहार गरेका छन् ।
टी–२० उनले न्युजिल्यान्डका लागि सबै भन्दा धेरै रन प्रहार गरेका छन् । उनले १२२ खेलमा तीन हजार ५३१ रन प्रहार गरेका छन् । उनी पछिल्लो समय नेपाल प्रिमियर लिग खेल्न काठमाडौं आएका थिए । उनले सन्दीप लामिछानेको कप्तानीमा रहेको विराटनगर किंग्सबाट खेलेका थिए ।
सन् २००९ देखि २०१६ सम्म उनी टेस्ट टोलीमा थिए । उनी सीमित ओभरको खेलमा झैँ टेस्टमा सफल भएनन् । उनले ४७ टेस्टमा २५ सय ८६ रन प्रहार गरे ।
