काठमाडौं ।
नेकपा एमालेको पोलिटब्युरो बैठकमा विधान संशोधन प्रस्ताव पेश गरिएको छ ।
पार्टी मुख्यालय च्यासलमा जारी बैठकमा उपाध्यक्ष एवं विधान संशोधन समितिका संयोजक विष्णुप्रसाद पौडेलले उक्त प्रस्ताव पेश गरेका हुन् ।
१९ सदस्यीय पदाधिकारीलाई १५ जनामा झार्न प्रस्ताव गरिएको छ । जसमा वरिष्ठ उपाध्यक्ष पद हटाएर अध्यक्ष, महासचिव र उपमहासचिव–१, उपाध्यक्ष–५ र सचिव– ७ जना प्रस्ताव गरिएको छ ।
केन्द्रीय कमिटी पनि २५१ सदस्यीयमा सीमित बनाउने गरी प्रस्ताव पेश भएको छ । केन्द्रीय कमिटीका एक तिहाइ सदस्य पोलिटब्युरोमा रहनेछन् । पोलिटब्युरो अब ८३ सदस्यमा झारिनेछ ।
सचिवालयको व्यवस्था हटाएर १५ सदस्यीय पदाधिकारीलाई नै स्थायी कमिटी मान्ने प्रस्ताव पारित गरिएको छ । ७० वर्षे उमेर हद र दुई कार्यकालको व्यवस्था पनि हटाइएको छ ।
यता नेकपा एमालेको पोलिटब्यूरो बैठक स्थगित भएको छ । शनिबार बिहान ११ बजे बस्ने गरी शुक्रबारको बैठक स्थगित भएको हो ।
आजको बैठकमा केही स्थायी कमिटि सदस्यहरुले बैठकमा आफ्नो धारणा राखेका थिए । आजको बैठकमा केही स्थायी कमिटि सदस्यहरुले धारणा राखेका थिए ।
