काठमाडौँ ।
राष्ट्रपति रामचन्द्र पौडेलले ३ वटा विधेयक प्रमाणीकरण गरेका छन्। पौडेलले आज सोमबार संघीय संसद्को दुवै सदनबाट पारित भएर आएका ३ वटा विधेयक प्रमाणीकरण गरेको राष्ट्रपतिको कार्यालयकी प्रवक्ता शैलजा रेग्मी भट्टराईले जानकारी दिइन्।
पौडेलले आर्थिक वर्ष ०८२/०८३ को सेवा र कार्यको लागि संघीय सञ्जित कोषबाट रकम विनियोजन र खर्च गर्ने सम्बन्धमा व्यवस्था गथर्न बनेको विधेयक, नेपाल सरकारको अर्थसम्बन्धी प्रस्तावलाई कार्यान्वयन गर्न बनेको विधेयक र राष्ट्र ऋण उठाउने अधिकारको व्यवस्था गर्न बनेको विधेयक प्रमाणीकरण गरेका हुन्।
