जनकपुरधाम ।
धनुषा जिल्लाको विभिन्न स्थानमा भएको आगलागी घटनामा पीडित भएकाहरुलाई आज काठ वितरण गरिएको छ । डिभिजन वन कार्यालय धनुषाद्वारा २३ परिवारलाई ३ सय ५३ क्वूवीक फिट काठ वितरण गरिएको छ ।
सो अवसरमा आयोजित कार्यक्रममा वन तथा वातावरण मन्त्री संजयकुमार यादवले काठलाई घर निर्माण कार्यमा उपयोग गर्नुपर्छ बताउनुभयो । साथै उहाँले गर्मी तथा सुख्खा मौसममा आगलागीको घटना बढी हुने भएकाले त्यसप्रति आफू र छिमेकीलाई सचेत गराउन आग्रह गर्नुभयो ।
डिभिजन वन कार्यालय धनुषाका डिएफओ विनोद सिंहले प्रदेश सरकारले अग्निपीडितका लागि निःशुल्क काठ वितरण गर्ने ल्याएको योजना अनुसार कार्यक्रम गरिएको जानकारी दिनुभयो ।
समारोहमा धनुषाको कमला नगरपालिकाका मेयर विशेश्वर यादव, वन मन्त्रालयका सचिव उद्धबबहादुर घिमिरे, वन निर्देशनालयका निर्देशक जगन्नाथ जयसवाल लगायतका व्यक्तिहरुको उपस्थिति रहेको थियो ।
