काठमाडौँ ।
जनता समाजवादी पार्टी (जसपा) नेपालले सरकारलाई दिएको समर्थन बुधबार औपचारिक रूपमा फिर्ता लिने तयारी गरेको छ ।
असार ८ गते बसेको केन्द्रीय कार्यकारिणी समितिको बैठकले सरकारबाट समर्थन फिर्ता लिने निर्णय गरेको थियो ।
तर संसदीय दलको बैठक नबस्दा औपचारिक निर्णय हुन सकेको थिएन । अब भने जसपा नेपालका अध्यक्ष एवं संसदीय दलका नेता उपेन्द्र यादवले बुधबारका लागि बैठक बोलाएका छन् । सो बैठकले सरकारलाई दिँदै आएको समर्थन फिर्ता लिने निर्णय गर्ने तयारी गरेको एक नेताले बताए ।
जसपा नेपाल संसदीय दलकी प्रमुख सचेतक रेखा यादवले बुधबारको बैठकबाट आवश्यक निर्णय गरिने बताइन् ।
