जनकपुरधाम ।
११औं अन्तर्राष्ट्रिय योग दिवसको अवसरमा जनकपुरधामको तिरहुतिया गाछीमा योग शिविर सम्पन्न भएको छ । अन्तर्राष्ट्रिय योग दिवसको अवसर पारेर जनकपुरधाम उपमहानगरपालिकाको आयोजनामा योग शिविर सम्पन्न भएको हो ।
जनकपुरधाम उपमहानगरको स्वास्थ्य शाखाको आयुर्वेद शाखा प्रमुख एवं योगगुरु मनोहर साहले योग शिविरमा सहभागी भएकाहरुलाई योगाभ्यास गराएका थिए । योग शिविरमा जनकपुरधाम उपमहानगरपालिकाका प्रमुख मनोजकुमार साह, जनकपुरधाम उपमहानगरपालिकाका जनप्रतिनिधि, विभिन्न विद्यालयका विद्यार्थीहरु तथा स्थानीयको सहभागिता रहेको थियो ।
नगरप्रमुख साहले योगाभ्यासले शारीरिक र मानसिक स्वास्थ्यमा पार्ने सकारात्मक प्रभावको चर्चा गरे । उनले योगलाई जनस्तरसम्म पु¥याउनु आवश्यक रहेको बताए ।
