जनकपुरधाम ।
त्रिवि प्राध्यापक संघ रा.रा.ब.क्याम्पस एकाइ समितिले स्ववियू सभापति मनिष कुमार यादवको रिहाइको माँग गरेको छ । प्राध्यापक संघका सभापति मुक्तिनाथ साहले सामाजिक सञ्जालमा आज उल्लेख गरी रिहाइको माँगका साथै परीक्षा जस्तो संवेदनशील विषयमा लापरबाहीका कारण सृजना भएको यो घटनाको समाधान यथाशीघ्र होस भनी संपूर्ण सरोकारवाला पक्षहरु संग हार्दिक अनुरोध गर्नुभएको छ ।
गौरवशाली इतिहास बोकेको जनकपुरधामको रा.रा.ब.क्याम्पसमा आज परीक्षाको प्रवेश–पत्र सम्बन्धी विषयमा क्याम्पस प्रमुख र विद्यार्थी नेता बिच उत्पन्न विवादमा प्रहरीद्वारा नियन्त्रणमा लिईएको प्रसंग उल्लेख गर्दै क्याम्पसमा शैक्षिक वातावरण कायम गरि अध्ययन अध्यापनका लागि राम्रो र भयमुक्त माहौल बनाउनका लागि पनि क्याम्पस प्रमुखसंग उहाँले अनुरोध गर्नुभएको छ ।
