भारतको उत्तर प्रदेशस्थित अमरोहको पटाका कारखानामा विस्फोट, ४ जनाको मृत्यु

---

एजेन्सी ।
भारतको उत्तर प्रदेशमा पर्ने अमरोहामा एक पटाका कारखानामा विष्फोट हुँदा चार जनाको मृत्यु भएको छ । विष्फोटमा परी मृत्यु हुनेमा सबै महिलाहरू रहेका छन् ।
विष्फोटबाट ६ महिला घाइते भएका छन् । घाइते महिलाहरूलाई उपचारका लागि जिल्ला अस्पतालमा भर्ना गरिएको भारतीय सञ्चारमाध्यमहरूले जनाएका छन् ।
पटाका कारखानामा भएको विष्फोटको कारण पत्ता लाग्न सकेको छैन । प्रहरीले विष्फोटको कारण पत्ता लगाउने काम भइरहेको जनाएको छ ।