काठमाडौँ ।
विगत तीन दिनदेखि लगातार घट्दै आएको सुनको मूल्य आज बढेको छ । आइतबार तोलामा तीन हजार, सोमबार एकसय र मंगलबार ६ सय रुपैयाँ घटेको सुनको मूल्य आज एक हजार तीनसय रुपैयाँ बढेको हो ।
मूल्य बढेर आज सुन तोलाको एकलाख ९१ हजार तीनसय रुपैयाँमा कारोबार भइरहेको नेपाल सुनचाँदी व्यवसायी महासंघले जनाएको छ । हिजो सुनको मूल्य तोलाको एक लाख ९० हजार रुपैयाँ थियो ।
गएको वैशाख ९ गते सुनको मूल्य एक लाख ९७ हजार नौसय रुपैयाँ पुगेको थियो। सुनको यो मूल्य हालसम्मकै सबैभन्दा उच्च हो । आज चाँदीको भाउ भने स्थिर छ । आज चाँदी प्रतितोला दुई ६५ रुपैयाँमै स्थिर रहेको महासंघले जनाएको छ ।
