जनकपुरधाम ।
मधेश सरकार भौतिक पूर्वाधार विकासको दिशामा अघि बढेको छ । सोही अन्तर्गत प्रदेश सरकारको ‘एक निर्वाचन क्षेत्र, एक कालोपत्रे सडक’ योजनाको प्रधानमन्त्री केपी शर्मा ओलीले शिलान्यास गर्न लागेका छन् । प्रधानमन्त्री ओलीले आज एक कार्यक्रमकाबीच जनकपुरधामबाट डिजिटल प्रविधि मार्फत शिलान्यास गर्ने कार्यक्रम रहेको छ ।
६४ वटै प्रदेशसभा निर्वाचन क्षेत्रमा पाँच–पाँच किलोमिटरको दरले जम्मा ३२० किलोमिटर कालोपत्रे सडक निर्माण गर्ने लक्षयसहितको यो योजना अबको मधेश निर्माणमा सम्भावना र चुनौती दुवै बोकेको बताइएको छ । यो योजनामा औसत रुपमा नौ अर्ब ६० करोड रुपैयाँ खर्च हुने अनुमान गरिएको छ ।
