काठमाडौँ ।
राजसंस्थाको पुनःस्थापनाको लागि सुरु भएको राजावादीको आन्दोलन जारी छ । राजावादीहरू आजबाट सुरु भएको ’संयुक्त जनआन्दोलन’ को पहिलो दिन शान्तिबाटीकामा पुगेका छन् ।
राप्रपाले काठमाडौँको ७ स्थानबाट जुलुस निकालेको छ । सबैतिरबाट आएका जुलुस रत्नपार्कमा भेला भइसकेपछि टुँडिखेल परिक्रमा गर्दैछन् ।
मैतीदेवीबाट निस्किएको जुलुसको नेतृत्व राप्रपा अध्यक्ष राजेन्द्र लिङ्देनले गरिरहेका छन् भने । उक्त जुलुसमा पार्टीका प्रमुख सचेतक ज्ञानेन्द्र शाहीको पनि सहभागीता छ । राप्रपा नेपालका अध्यक्ष कमल थापाले सिफलबाट निस्किने जुलुसको नेतृत्व गरेका छन् ।
यस्तै, संयुक्त जनआन्दोलन समितिका संयोजक नवराज सुबेदीको नेतृत्वमा नारायणचौरबाट अर्को जुलुस निस्किएको छ। नयाँ बजारबाट सुरु भएको जुलुसको नेतृत्व डा. प्रकाशचन्द्र लोहनीले र त्रिपुरेश्वरबाट निस्किने जुलुसमा केशरबहादुर विष्ट सहभागी भएका छन् ।
