जनकपुरधाम ।
भारतको सीमावर्ती कन्फीड्रेसन अफ अल इण्डिया ट्रेडर्स जयनगरका प्रतिनिधिहरुले मधेसका मुख्यमन्त्री सतिशकुमार सिंहसंग छलफल गरेका छन् । जनकपुरधाम आइपुगेका कन्फीड्रेसन अफ अल इण्डिया ट्रेडर्स जयनगरका अध्यक्ष प्रीतम बरोलिया सहितको प्रतिनिधि मण्डलले मुख्यमन्त्री सिंहसंग छलफल गरेका हुन् ।
मुख्यमन्त्री सिंहसंगको छलफलमा प्रतिनिधि मण्डलले सीमावर्ती क्षेत्रमा देखिएको व्यापार समस्या सहितको विषयमा छलफल भएको थियो । यसका साथै द्विपक्षिय आर्थिका हित तथा रामायण सर्किट र सीता सर्किटको विषयमा समेत छलफलका क्रममा विषय उठान भएको जनकपुरधाम उद्योग वाणिज्य संघका पूर्व अध्यक्ष निर्मल चौधरीले जानकारी दिए ।
जनकपुरधाम उद्योग वाणिज्य संघको सभाकक्षमा भएको छलफलमा जनकपूरधाम उद्योग बाणिज्य संघका अध्यक्ष सुरेन्द्र भण्डारी लगायतका व्यापारी नेताहरुको समेत सहभागिता रहेको थियो ।
