जनकपुरधाम ।
विभिन्न संघ संस्थाले मैथिली, भोजुरी र बज्जिकालाई मात्रै मधेसको कामकाजी भाषा बनाउनुपर्ने माग गरेको छ । विभिन्न १५ वटा संघ संस्थाले संयुक्त रुपमा मुख्यमन्त्री सतिश सिंहलाई मैथिली, भोजुरी र बज्जिकालाई मात्रै कामकाजी भाषा बनाउने गरी प्रदेशसभामा छलफल प्रकृया अगाडी बढाउन माग गर्दै ध्यानाकर्षण गराएको हो ।
यसअघि प्रदेशको कामकाजी भाषा सम्बन्धि विधेयक विवादित भएपछि प्रदेशसभाबाट फिर्ता लिइएको थियो । सो विधेयकमा मैथिली, भोजपुरी, बज्जिका, हिन्दी र अंग्रेजीलाई मधेसको कामकाजी भाषा बनाउने व्यवस्था गरिएको थियो ।
मधेसको कामकाजी भाषा तोक्न प्रदेश सरकारले फेरी विधेयक ल्याउन लागेको हो । अब प्रदेश सरकार फेरी सो विधेयक ल्याउने तयारी गरेको र विधेयकमा फेरी भाषा आयोगको सिफारिशलाई ध्यानमा नराखिएको भन्दै ती संघ संगठनहरुले ध्यानाकर्षण गराएका हुन् ।
