जनकपुरधाम ।
जनकपुरधाम मेयरकपको तेस्रो संस्करण भारतको लखनउ टीमले चुमेको छ ।
निर्माणधिन रामजानकी बहुउद्देशिय क्रिकेट स्टेडियममा आज सम्पन्न फाइनल खेलमा बारालाई ८ विकेटले पराजित गर्दै लखनउ टिमले उपाधी चुम्न सफल भएको हो । लखनउ टिमले टस जितेर बारा टिमलाई ब्याटिङ्ग गर्न आमन्त्रण गरे पछि बाराले निर्धारित २० ओभरमा ६ विकेट गुमाउदै १६८ रनको योगफल तयार गरेको थियो । बाराका लागि रवि साह ५४, आदिल अंसारी ५० , विवेक यादव २२ , पवन सर्राफ अविजित १६ , त्रित दास ९ र निरंजन यादव ७ रन जोडेका थिए भने अरनिको यादव शुन्य रनमै आउट भएका थिए ।
लखनउका लागि सुभम यादव र मनिष सिंह २/२ तथा शैलेन्द सिंह र अस्मित मिश्रा १/१ विकेट लिएका थिए ।
१६९ रनको विजयी लक्ष्य सहित व्याटिङ्ग गर्न मैदानमा ओर्लेका लखनउ टिमले १७ ओभर ४ बल खेल्दै २ विकेटको क्षतिमा १७३ रन बनाउदै लक्ष्य पुरा गरेका थिए । लखनउका लागि हर्षित यादव ९८, सुमित पाठक ५३ , अंकित सिंह अविजित १९ र सोमन महन्ती २ रन जोडेका थिए । बाराका पवन सर्राफ र साहब आलम १/१ विकेट लिएका थिए ।
कप विजेता लखनउ टिमलाई दुई लाख नगद र ट्रफी तथा उपविजेता बारा टिमलाई एक लाख २५ हजार नगद तथा ट्रफि प्रदान गरिएको छ ।
