जनकपुरधाम ।
तेस्रो जनकपुरधाम मेयर कप–२०२५ अन्तर्गत सोमबार भएको लिग चरणको खेलमा सिरहा र बारा क्रिकेट टीम विजयी भएको छ ।
सोमबारको पहिलो खेलमा सिरहाले रौतहटलाई ३६ रनले पराजित गरेको छ । टस जितेर पहिले व्याटिङ्ग गरेका सिरहाले निर्धारित २० ओभरमा ९ विकेटको क्षतिमा १०९ रनको योगफल तयार पारेका थिए ।
सिरहाकालागि ओपनिङ्ग गर्न आएका राकेश कामतिले ६, अशोक पौडेल २४, क्रिस अैयरले २४, दिपेश दासले १९, रुपेश सिंह २, दिनेश बुढामगर ५, दिनेश अधिकारी ३, अशोक यादव १०, प्रदिप पासवान ७, रनको योगदान गरे ।
रौतहटकालागि आशिक बैठाले ४ ओभरमा ४ विकेट लिए भने मोहन घिमिरेले ३ र सन्नी साहले २ विकेट लिन सफल भएका थिए ।
प्रतिउत्तरमा व्याटिङ्ग गर्न आएका रौतहट टिमले १७.५ ओभरमा सवै विकेट गुमाउँदै मात्र ७३ रन बनाउन सकेका थिए । रौतहटकालागि रनविर यादव २०, राजेश यादव २१ र आशिक बैठाले १० रनको योगदान दिएका थिए भने अन्य कुनै खेलाडीले दोहरा अंक छुन सकेका थिएन् ।
सिरहाकालागि रुपेश सिंह २, प्रदिप पासवान ३, फतेह सिद्धिकीले २ विकेट लिए भने अफु्रदिन राइन र अशोक पौडेलले समान १/१ विकेट लिन सफल भएका थिए ।
सोमबारको अर्को खेलमा बारा क्रिकेट टीमले पर्सा क्रिकेट टीमलाई १ सय १२ रनको फराकिलो अन्तरले पराजित गरेको छ ।
बाराले पर्सा क्रिकेट टीमलाई दिएको १ सय ७५ रनको विशाल लक्ष्य पछ्याएको पर्सा क्रिकेट टीम मात्र ६२ रनमा समेटिएपछि फराकिलो अन्तरको हार व्यहोरेको छ ।
