जनकपुरधाम ।
रामस्वरुप रामसागर बहुमुखी क्याम्पस जनकपुरधामका क्याम्पस प्रमुख प्रा. डा.बसन्त कर्णलाई कालोमोसो दलिएको फोटोले सामाजिक सञ्जाल भरिएको छ भने अर्को तर्फ क्याम्पस प्रशासनले प्रमुख माथि रंग छयाप्ने असफल प्रयास गरिएको दाबी गरेका छन् ।
क्याम्पस प्रशासनले डा. कर्णलाई केही मिडियाले चरित्रहत्याका लागि समाचार दिएको समेत दाबी गरेका छन् । क्याम्पस प्रशासनले कालोमोसो दलेको घटनै मान्न तैयार नरहेको विज्ञप्तिको आसय देखिएको छ ।
यता प्रहरी प्रशासनले क्याम्पस प्रमुखलाई कालोमोसो दलेको कोणबाट अनुसन्धान गरिरहेका छन् । धनुषाका प्रहरी नायब उपरीक्षक बरुणबहादुर सिंहले केही व्यक्तिलाई पक्राउ गरी अनुसन्धान गरिहेको बताएका छन् । घटनास्थलको सीसी क्यामराको माध्यमले कालोमोसो दलेको व्यक्तिको प्रहरीले खोजी गरिरहेको उहाँले बताएका छन् ।
क्याम्पस प्रमुखलाई कालोमोसो दलेको घटनाको चारैतिर आलोचना भइरहेको छ । त्रिभुवन विश्वविद्यालय प्राध्यापक संघ राराब क्याम्पस इकाइ समितिका सभापति मुक्तिनाथ साह र सचिव डा. शिवेन्द्रलाभ कर्णले जारी गरेको विज्ञप्तिमा क्याम्पस प्रमुख कर्णलाई केही उच्छृंखल तथा अराजक व्यक्तिद्वारा लज्जास्पद, अभद्र तथा गैरकानुनी घटनाप्रति घोर भत्र्सना गरिएको छ ।
यस्तो घटना घटाएर राराब क्याम्पसको इतिहासलाई कलंकित बनाउने व्यक्तिलाई कडा भन्दा कडा कारबाहीका लागि सम्बन्धि निकायसँग इकाइ समिति माँग गरेको सो विज्ञप्तिमा उल्लेख रहेको छ ।
क्याम्पस प्रमुख कर्णलाई बिहिवार राराब क्याम्पसको साइन्स ब्लकमा केही व्यक्तिले कालोमोसो दलेका थिए ।
क्याम्पस प्रमुख डा.कर्णलाई कालोमोसो दलेपछि क्याम्पसका कर्मचारी रासबिहारीले घरबाट अर्को कपडा ल्याइ प्रमुखको कपडा बदलाएका छन् ।
राराबमा यसअघि प्रा. डा. विजयलाल कर्ण क्याम्पस प्रमुख भएको बेला कालोमोसो दलिएको थियो ।
