जनकपुरधाम ।
विभिन्न विधामे प्रत्येक वर्ष दैत आएल नेपाल विद्यापति मैथिली पुरस्कार आइ प्रदान कएल गेल । मधेश प्रदेशक मुख्यमन्त्री सतिशकुमार सिंह ओ पुरस्कार प्रदान कएलन्हि अछि ।
नेपाल विद्यापति मैथिली भाषा साहित्य पुरस्कार २०८१ क लेल प्रा.भोला झा आ मैथिली भाषा साहित्य पुरस्कार २०८० क लेल मैथिली विकास कोषकेँ प्रदान कएल गेल अछि । तहिना नेपाल विद्यापति मैथिली कला संस्कृति पुरस्कार २०८१ क लेल दीपा मिथिला आर्ट गैलेरी २०८० क लेल राम कुमार मण्डलकेँ । नेपाल विद्यापति मैथिली अनुसन्धान पुरस्कार २०८१ क लेल माला कुमारी कर्ण आ २०८० क लेल विनोद कुमार यादवकेँ प्रदान कएल गेल ।
कोष नेपाल विद्यापति मैथिली पाण्डुलिपी पुरस्कार २०८१ क लेल काशीकान्त झा आ २०८० क लेल श्यामसुन्दर शशि । तहिना नेपाल विद्यापति मैथिली अनुवाद पुरस्कार २०८१ क लेल श्यामसुन्दर यादव आ २०८० क लेल विद्याधर झाकेँ प्रदान कएल गेल ।
