रौतहट ।
रौतहटमा नर्सिङ पढ्ने एक जना छात्रा होस्टेलको बाथरुममा मृत फेला परेकी छन् । रौतहटको माधवनारायण नगरपालिका –३ स्थित रहेको गजेन्द्र नारायण स्मृति अस्पतालको होस्टेलको बाथरुममा बाराको विश्रामपुर घर भएकी १८ वर्षीया छात्रा सुमन कुमारी बैठा आज बिहान मृत अवस्थामा फेला परेकी हुन् ।
गजेन्द्र नारायण स्मृति अस्पतालको डिप्लोमा फार्मेसी पहिलो वर्षमा अध्ययनरत छात्रा सुमन कुमारी छात्रावासको बाथरुममा मृत भेटिएको रौतहटका प्रहरी नायव उपरीक्षक दीपक कुमार रायले जानकारी दिए ।
