जनकपुरधाम ।
बिहिबारबाट शुरु भएको एसईईको परीक्षामा चिट चोराउने कार्यमा संलग्न रहेको भन्दै धनुषामा १ सहायक केन्द्राध्यक्ष र ३ निरिक्षकलाई निष्कासित गरिएको छ ।
एसईईको पहिलो दिनकै परीक्षामा धनुषाको नगराइन नगरपालिकास्थित गिरिजा मा.वि.केन्द्रका सहायक केन्द्राध्यक्ष तथा ३ जना निरिक्षकलाई चिट चोराउने कार्यमा संलग्न रहेको भन्दै निष्कासित गरिएको शिक्षा समन्वय ईकाई धनुषाले जनाएको छ ।
त्यस्तै जनकपुरधामको सकल भवन कन्या मा.वि., किसानपुर मा.वि, नगराइनको राजेश्वर निधि मा.वि., बरकुर्वा मा.वि. र सिमराढी मा.वि.केन्द्रका केन्द्राध्यक्षहरुलाई स्पष्टीकरण सोधिएको जनाइएको छ ।
जिल्ला शिक्षा समन्वय ईकाई धनुषाका अनुसार एक जना परीक्षार्थीको परीक्षा समेत रद्द गरिएको छ ।
