जनकपुरधाम ।
महोत्तरीको बल्वा नगरपालिका ५मा श्रीमानले ईंटा प्रहार गरी श्रीमतीको हत्या गरेको छ । शुक्रबार बिहान श्रीमानले श्रमतीलाई ईंटा प्रहार गर्दा श्रीमतीको मृत्यु भएको हो । औरही नगरपालिका ७ भोईल घर भइ ससुराली घर बल्वा नगरपालिका ५ आएका ३२ वर्षीय सत्य नारायण यादवले २४ वर्षीया सुधिरा देवीमाथी ईंटा प्रहार गरेका थिए ।
माइत बसेकी श्रीमती भेट्न आएका यादवले श्रीमतिसँग केहि विषयमा वादविवाद हुँदा सोहि विवाद झगडामा परिणत भएको र आवेशमा आएर श्रीमतिमाथि ईँटा प्रहार गरेको जिल्ला प्रहरी कार्यालय महोत्तरीका प्रहरी नायव उपरीक्षक सन्तुलाल प्रसाद जयसवारले बताए ।
आरोपी श्रीमान प्रहरी नियन्त्रणमा रहेको र शव पोष्टमार्टमको लागि प्रादेशिक अस्पताल जलेश्वर पठाइएको जयसवारले बताए ।
