एजेन्सी ।
पाकिस्तानको उत्तरपश्चिम खैबर पख्तुनख्वा (केपी) प्रान्तको एक क्यान्टोनमेन्ट क्षेत्रलाई लक्षित गरी आतंककारीहरूले आक्रमण गर्दा १२ जना सर्वसाधारण र छ जना आतंककारी मारिएका छन् ।
अन्य ३२ जना घाइते भएका छन् । प्रान्तको बन्नु जिल्लामा सुरक्षा बलको समयमै प्रतिक्रियाका कारण आत्मघाती बमवर्षकहरू सहित आतंककारीहरूको समूहले क्यान्टोनमेन्ट क्षेत्रमा प्रवेश गर्ने प्रयास गरेको थियो तर असफल भएको पख्तुनख्वा सरकारका प्रवक्ता मोहम्मद अली सैफले बताए ।
शक्तिशाली विस्फोटपछि नजिकैका भवनहरू र एउटा मस्जिदको छाना भत्किएको छ । जसमा १२ जना सर्वसाधारणको मृत्यु भएको छ भने भने ३२ जना घाइते भएका छन् । घटनापछि प्रहरी, सुरक्षा बल र उद्धार टोलीको ठूलो टोली घटनास्थलमा पुगेर घाइतेहरूलाई जिल्ला सदरमुकाम अस्पतालमा पु¥याएको छ ।
धेरैको अवस्था गम्भीर रहेको बताइएको छ । अस्पताल स्रोतका अनुसार जिल्लाका सबै अस्पतालहरूमा आपतकालीन अवस्था घोषणा गरिएको छ । सामाजिक सञ्जालमा एक सन्देश जारी गर्दै तहरीक–ए–तालिबान पाकिस्तानको हाफिज गुलबहादुर समूहले आक्रमणको जिम्मेवारी लिएको छ ।
