एजेन्सी ।
भारतको बैंग्लोरबाट करिब ८३० किलो मानव कपाल चोरी भएको छ ।
लक्ष्मीपुरा क्रसको व्यावसायिक भवनको गोदामबाट एउटा गिरोहले १ करोड भारतीय रुपैयाँ बराबरको कपाल चोरी गरेको भारतीय सञ्चार माध्यमहरूले जनाएका छन् ।
टाइम्स अफ इन्डियाका अनुसार कपाल व्यवसायी वेंकटस्वामीले गोदाममा २७ झोलामा करिब ८३० किलो कपाल राखेका थिए । जुन फेब्रुअरी २८ को मध्यराति चोरी भएको हो ।
विश्व बजारमा भारतीय कपालको ठूलो माग छ । अन्य देशको तुलनामा भारतमा कपाल सस्तो छ।
