जनकपुरधाम ।
धनुषाको चारनाथ नगरपालिकाको छघरिया टोलामा रहेका फर्निचर पसलमा वनका टोलीले आज साँझ छापामारी गरेको छ । रामचन्द्र ठाकुरको सो फर्निचरमा छापामारी गर्दा २१.९२ क्यूफिट सालको काठ र कटर मशिन बरामद गरेको छ ।
डिभिजन वन कार्यालय धनुषाका डिएफओ विनोद सिंहका अनुसार फर्निचरका सञ्चालक रामचन्द्र ठाकुरलाई पनि पक्राउ गरिएको छ ।
वनका ज्ञान कुमार साह र जिल्ला कमान्डर वैजनाथ सिंह को नेतृत्वमा सो छापामारी गरिएको छ । छापामारीमा डिभिजन वन कार्यालय धनुषाका अतिरिक्त पुष्पवलपुर, चारनाथ सव डिभिजन वन कार्यालय का कर्मचारीहरुको पनि सहभागिता रहेको थियो ।
