जनकपुरधाम ।
हैबिटेट नेपालको सहयोगमा सिआइसी धनुषाद्वारा सञ्चालित सुरक्षित आवास परियोजनाको जनकपुरधाममा बैठक बसी परियोजनालाई अझै प्रभावकारी बनाउने सम्बन्धमा निर्णय गरियो ।
सो परियोजना धनुषा जिल्लाको गणेशमान चारनाथ नगरपालिका र शहीदनगर नगरपालिकामा सञ्चालित रहेको छ । अति विपन्न र भूमिहिनहरुलाई सुरक्षित आवास, भूमिहिनहरुलाई जग्गाधनी प्रमाण पूर्जा दिनका लागि पहुँच बढाउने, विपत जोखिम न्यूनिकरण, वितिय साक्षरता, खानेपानी सरसफाइ र स्वच्छता कार्यक्रम साथै क्षमता अभिवृद्धि कार्यक्रम परियोजना अन्तर्गत चलिरहेको छ ।
सञ्चालित कार्यक्रम बारे जानकारी भइ अगामी दिनमा समितिले दूइटै पालिकामा सञ्चालित परियोजनाको कामकाजको अवलोकन भ्रमण गरी परियोजनालाई प्रभावकारी बनाउन सुझाब दिइनेछ । आएको सुझाब अनुसार कार्यक्रमलाई अझै प्रभावकारी बनाइनेछ । समिति जिल्ला समन्वय समिति धनुषाका सभापति राजनन्दन मण्डलको संयोजकत्वमा रहेको छ ।
समारोहमा जिल्ला समन्वय समिति धनुषाका सभापति मण्डल, गणेशमानचारनाथ नगरपालिकाका प्रमुख जीतनारायण यादव, शहीदनगरपालिकाका उपप्रमुख सुनिताकुमारी सिंह, दूबै नगरपालिकाका वडाध्यक्षहरु, आदिवासी जनजाती महासंघका वीरेन्द्रसिंह दनुवार, गैसस महासंघका केन्द्रिय सदस्य धीरेन्द्रबहादुर सिंह, हैविटेट नेपालका पूर्वी कार्यालय प्रमुख पंकजकुमार साह, सैयद मोहम्मद नसिम सरवर, भूमि आयोगका अध्यक्ष सुरेश कोइराला, पूर्व प्रवक्ता रामगोविन्द यादव, सिआइसी धनुषाका अध्यक्ष संजय साह लगायतको उपसिथति रहेको थियो ।
