जनकपुरधाम ।
जनकपुरधाम उपमहानगरपालिका वडा नम्बर–४ कदम चौकका ५६ वर्षीय विश्वनाथ महतो भारत बिहार राज्यको सिमरिया गंगा घाटबाट हराई रहेका छन् । पारिवारिक धार्मिक कार्य अन्तर्गत गंगा नदीमा अस्थी विसर्जन गर्न गएको बेलादेखि उनी बेपत्ता भएका हुन् ।
माघ १० गतेका दिन महतो गंगा नदीको किनारमा पुगेका थिए । विसर्जनको कार्य सम्पन्न भएपछि परिवारले महतोलाई घाटमा फेला पार्न सकेनन् । विभिन्न स्थानमा खोजतलास गरिए पनि हालसम्म उनीबारे कुनै जानकारी प्राप्त भएको छैन ।
परिवारले स्थानीय प्रहरीलाई घटनाबारे जानकारी गराइसकेका छन् । भारतको सिमरिया गंगा घाटमा खोज कार्य भइरहेको भए पनि महतोको विषयमा जानकारी प्राप्त भएको छैन ।
